सरसगडाच्या एकाच कातळात कोरलेल्या 96 पायऱ्या, मुख्य दक्षिण दरवाजा, दिवडी, खांब टाकी यावरून हा किल्ला सातवाहनांच्या काळातील असल्याचे दिसून येते.

इ.स. १३४६ मध्ये सिंहगड, तोरणा, पुरंदर किल्ले जिंकून घेतल्यावर मलिक अहमद ( निजामशाहीचा संस्थापक) कोकणात उतरला. त्या वेळी कोरीगड, सुधागड, सरसगड, सुरगड हे किल्ले त्याच्या ताब्यात आले.नंतर हे किल्ले आदिलशाहीत दाखल झाले. बहामनी कालखंडाचा पुरावा म्हणून इथे गुजरात सल्तनत काळातील नाणे पाली गावातील ग्रामस्थाला २०२४ सालीच्या शिवजयंतीला गडफेरीदरम्यान सापडले आहे.

शिखरावर असलेल्या शिवमंदिरातून या परिसराला वेढलेल्या सर्व पर्वतरांगांचे उत्कृष्ट विहंगम दृश्य दिसते. सारसगडाच्या शिखरावरून सुधागड , सांक्षी किल्ला , सागरगड आणि तैलबैला हे किल्ले सहज दिसतात. किल्ल्याच्या शिखरावर खूपच कमी जागा उपलब्ध असल्याने, तेथे अनेक गुहा आहेत ज्यांचा उपयोग सैनिक आणि इतर कामांसाठी केला जात असे. खडकांमध्ये कोरलेली सुमारे दहा तळी आहेत. या तळ्यांमधून वर्षभर थंड पाण्याचा पुरवठा होतो, जो कोणत्याही किल्ल्यासाठी अत्यंत महत्त्वाचा असतो.